ირაკლი შელია

ირაკლი შელია  MD PhD — ექიმი  რევმატოლოგი და რეაბილიტაციის სპეციალისტი. ქალაქ წალენჯიხა, საქართველოში.

განათლება

სასკოლო განათლება მიიღო ქალაქ წალენჯიხის №2 საჯარო სკოლაში. X–XI კლასებში სწავლობდა ლიცეუმ „ქიაჩში“.

2003–2009 წლებში სწავლობდა თბილისის სახელმწიფო სამედიცინო უნივერსიტეტის მედიცინის ფაკულტეტზე, სადაც მიიღო დიპლომირებული მედიკოსის აკადემიური ხარისხი.

2009–2012 წლებში პროფესიული მომზადება გაიარა მოსკოვში, ი. მ. სეჩენოვის სახელობის პირველ მოსკოვის სახელმწიფო სამედიცინო უნივერსიტეტში, ინტერნატურა-ორდინატურის ფარგლებში, რევმატოლოგიისა და რეაბილიტაციის მიმართულებით. ამავე პერიოდში სტაჟირებას გადიოდა უნივერსიტეტის №1 ცენტრალური საუნივერსიტეტო კლინიკის რევმატოლოგიის განყოფილებაში და მონაწილეობდა პროფესიულ ტრენინგებში.

პროფესიული საქმიანობა

2007–2008 წლებში მუშაობდა თბილისის სასწრაფო სამედიცინო დახმარების ცენტრში.

2008–2009 წლებში მუშაობდა აკად. ნ. ყიფშიძის სახელობის ცენტრალური საუნივერსიტეტო კლინიკის კრიტიკული მედიცინის სექციაში უმცროს ექიმად.

2009–2012 წლებში, მოსკოვში პროფესიული მომზადების პერიოდში, საქმიანობდა ი. მ. სეჩენოვის სახელობის პირველი მოსკოვის სახელმწიფო სამედიცინო უნივერსიტეტის №1 ცენტრალურ საუნივერსიტეტო კლინიკაში რეაბილიტაციის მიმართულებით. ასევე მუშაობდა მოსკოვის მრავალპროფილიან კლინიკა „PremierMedica“-ში და პროფესორ ს. ბლოხინის კლინიკაში რევმატოლოგიისა და რეაბილიტაციის მიმართულებით.

2013 წლიდან მუშაობს აკადემიკოს ო. ღუდუშაურის სახელობის ეროვნულ სამედიცინო ცენტრში. ამასთანავე, მიწვეული ექიმის სტატუსით პროფესიულ საქმიანობას ეწევა სხვადასხვა სამედიცინო დაწესებულებაში.

პროფესიული კვალიფიკაციის ამაღლების მიზნით მონაწილეობდა კურსებსა და პროფესიულ პროგრამებში გერმანიაში, შვედეთში, რუმინეთში, იტალიასა და რუსეთში. მიღებული აქვს სხვადასხვა პროფესიული სერტიფიკატი და სიგელი.

სამეცნიერო საქმიანობა

ირაკლი შელიას პროფესიული და სამეცნიერო ინტერესების ძირითადი მიმართულებებია რევმატოლოგია, რეაბილიტაცია, ოსტეოართროზი, გონართროზი, კოქსართროზი, ართრიტები, სახსარშიდა თერაპია, ტკივილის მართვა და ძვალ-სახსროვანი სისტემის დაავადებების კომპლექსური რეაბილიტაცია.

გამოქვეყნებული აქვს სამედიცინო ნაშრომები და სტატიები 70 ნაშრომი  რევმატოლოგიისა და რეაბილიტაციის სხვადასხვა საკითხზე.

სადისერტაციო თემა:
„მუხლის ოსტეოართროზის მქონე პაციენტებში კომპლექსური რეაბილიტაციის ეფექტურობის შეფასება“.

ჯილდოები და საპატიო წოდებები

წარმოდგენილი სიგელის მიხედვით, 2024 წლის 15 მაისს ირაკლი შელიას მიენიჭა „სეჩენოვის უნივერსიტეტის საპატიო ექიმის“ (Почётный врач Сеченовского университета) წოდება.